富明尼斯「-1」擦多餐

猪拉多纳

朝早起身有乜嘢波好玩？梗係巴甲喇。聽朝有三場巴甲賽事，其中前列分子富明尼斯主場迎戰弱旅巴希亞，後者今季作客未贏過，去到富明尼斯地頭盞送死，「讓球主勝」不容錯過。（周五早上8時開賽）

富明尼斯上仗作客硬撼勁旅保地花高，最終都能全身而退，證明該隊絕非泛泛之輩，事實上，中場有指揮官迪高掌控全局，前線有回流嘅費特助陣，加埋新仔森姆爾羅沙崛起，令他們不愁進攻火力。富軍於聯賽主場演出正氣，應贏則贏，該隊近十仗主場賽事，贏咗七場。

相反，對手巴希亞嘅弱項正是作客，客戰仲未開齋，而且近十場僅靠主場贏過一場，今次去到富明尼斯主場注定冇運行，「讓球主勝」有買趁早。

另外，戈亞尼恩斯衰到貼地，主場仲要讓波，梗係捧對家費古倫斯下盤。
彭美拉斯打落水狗

彭美拉斯自奪得巴西盃後，球員要收拾心情，專注番聯賽，現時該隊排尾二，急需搶分護級，今仗面對巴西盃決賽手下敗將、士氣低沉嘅哥列迪巴，正是追打落水狗嘅好時機，受讓下「讓球客勝」捧得過。