卡士超班無人能「及」

猪拉多纳

奧運男足今日開打，巴西大軍名單上嘅尼馬、侯克同甘素等等，全部都係歐洲列強希望羅致嘅球星，加上全隊揚言要一嘗奧運金牌滋味，難怪未開賽就畀足智彩列為奪標大熱。今日C組分組賽第一擊面對埃及，照計可以輕鬆贏波，但「四眼哥」嫌啲乜勝物勝太熱，決定狼取中位數1.5球嘅2.3倍半場入球大，博森巴兵團半場就嚟料！（有線63及203、中央5台周五凌晨2:45直播）
侯克屈機埃及點頂？

當日巴西公布參賽大軍名單，「四眼哥」即時「嘩」咗出嚟，三個超齡球員中除咗柏圖係「玻璃腳」唔多Like之外，侯克同堤亞高施華都係堅嘢，加埋「新球王」尼馬，巴西嘅入球能力令人期待。特別係畀熱刺同車仔（目及）實嘅「變形俠醫」侯克，佢喺波圖嘅表現有力量、有身形，對住對手大部分係U23小朋友嘅防線，仲唔係屈機咩？期待佢今晚對埃及就有貨交，唔使入得多，半場入兩球就夠做喇。

面對住近年足運青黃不接、國內政治動盪嘅埃及，巴西贏波應該「零障礙」，不過佢哋就有正選門將、効力山度士嘅拉菲爾卡比爾周一練波時整傷咗右手手肘。聽講佢當時非常痛楚，喺個地度碌嚟碌去，搞到巴西足總都唔敢冒險送佢返國治理。雖然係咁，巴西火力超晒班，就算用副選守龍，都唔會差好遠嘅！

男足C組