|
|
今晚A組有英國對阿聯酋，小妹真係完全唔敢睇好主辦國贏波，球員質素麻麻唔在講，連領軍嘅隊長傑斯都帶頭搞分裂，又點可以為國而戰？相反阿聯酋上場對烏拉圭都不落下風，今次一於撐2.82倍「讓客」。（有線63及203周一凌晨2:45直播）
小妹唔睇好英國係因為佢哋嘅心態，英國因為主辦奧運被迫再搞「英國隊」，點知變咗做「英格蘭及威爾斯聯隊」，領隊皮雅斯仲懶有性格咁唔要碧咸要傑斯，結果咪搞到隊波少咗個精神領袖囉！小妹覺得傑斯係個好球員，不過就算做埋隊長，居然以威爾斯人身份帶頭罷唱國歌，你話成隊波又會有幾齊心爭金先？小妹就覺得佢哋連分組賽都未必出到線喇。
阿聯酋雖然只係首次參賽，但係小妹睇咗佢哋上場嘅表現，無論係體能定組織，都絕對唔輸蝕得過作為南美洲No.1嘅對手烏拉圭o架！由上場有進帳嘅隊長伊斯美馬達爾帶領，小妹信佢哋可以教訓一下成盤散沙嘅英國。
男奧足A組 |
|
金睛卡
发表于 2012-7-29 08:46
变色卡
显身卡