紐記發「維」圍攻殘陣維拉

猪拉多纳

紐卡素喺前年重返英超，之後愈踢愈好，上季仲力壓車仔做「5哥」，攞埋歐霸盃附加賽資格，氹到球迷鬼咁開心！今晚佢哋喺主場迎戰近2場都輸晒嘅阿士東維拉，「喜鵲」呢3分仲唔係手到拿來？

（有線201及301周日晚11:00直播）

上季紐卡素買咗兩大射手丹巴巴亞及柏比斯施斯，呢兩位前德甲箭頭輪住發威，兩個加埋入咗29球，超癲！除咗呢對塞內加爾孖寶，翼鋒賓艾化同奧巴坦嘅表現亦愈嚟愈好，有呢班「喪攻四寶」撐場，紐卡素嘅鋒力相當靠得住o架！

係，雖然紐記喺上場波淨吞車路士兩蛋，不過車仔實力超班，而且「喜鵲」上場係作客，輸波非戰之罪吖！今晚佢哋回師主場夫添出擊，根本係兩回事啦！

相反，對家阿士東維拉上季只以第16名驚險護級成功，實力一早見晒底，不過佢哋仲唔識振作，季前冇乜增兵，卒之一開季兩場聯賽都輸晒，依家排喺英超包尾，預咗啦！
維拉艾邦拉荷續養傷

最慘嘅係維拉核心艾邦拉荷，翼鋒馬克艾拜頓同主將鄧尼仍然缺陣，焗住改用年輕球員，戰鬥力梗係大減啦！咪忘記佢哋件箭頭迪爾科尼素質素一般，另一件前鋒戴倫賓特就過晒高峰期，正正宗宗攻不銳守不穩，今鋪面對火力強勁嘅紐卡素，想唔輸都幾難！一於熱捧「喜鵲」1.5倍W啦！
微博傳情：做女主角呀！

今個星期我忙緊拍一套微電影，初嘗當女主角嘅滋味！喺戲入面我同一個男人扮演情侶，因為事前大家完全唔識，但劇情需要，要做啲情侶拍拖嘅親密動作，都幾考演技o架！雖然呢套只係得10分鐘嘅微電影，但拍一個鏡頭，幾句對白都要花好多時間，所以平時一套120分鐘嘅電影真係花咗好多心血，大家要支持本地電影製作，多啲入戲院睇戲喇！