霍勵賢首Ｗ路路好

猪拉多纳

南非籍公司騎師霍勵賢今季初嚟埗到，可以講係有個好開始，單係上個禮拜未跑馬先跑人，已經響嘉年華舉行嘅騎師競跑脫穎而出，先贏牙骹賽，到咗尋日開鑼賽事就大打真軍，雖然特首盃騎隻「愛跑得」臨尾輸少少，但跟住第五場繼續靠告達理另一匹「路路好」開齋，勝出第一Ｗ。
       
路路好

對於在港首戰嘅成績，霍勵賢就相當滿意，全日最支持佢嘅大告，三匹合作坐騎就有一冠一亞，其中頭馬「路路好」，佢就認為今場贏得比佢預期中輕鬆，而「愛跑得」如果唔係因為前中段被頂出外疊，轉彎提早發力趕過對手，相信已經起孖兼捧盃。
       
路路好輕鬆大勝，告達理（右）同霍勵賢都讚好嘢。
呂卓賢一亞一季

另一位同係今季登場嘅見習生呂卓賢，雖然尋日騎三場無馬贏，但第六場首匹坐騎「軍士」，已經率先搶入冷腳，其後第九場「正白旗」亦得第三，全日出三駒取得一亞一季，表現不俗。