客戰富咸曼城僅熟

猪拉多纳

一隊冠軍球隊，最緊要係表現穩定，聯賽應贏就贏，表現飄忽間唔中先踢場好波，好難染指聯賽錦標。咁點樣先可以維持穩定？必先打造一條穩健防線，如果前面入埋唔夠後面輸，非常打擊士氣。

英超曼城上季壓倒死敵曼聯，成功稱霸英超，但今季後防周時慌失失，近三戰都係領先之下贏唔到，後防發揮曳責無旁貸，好似歐聯對皇馬，完場前高柏尼竟然「縮頭」，無端端畀C朗射入，而對阿仙奴嘅聯賽又輸死球，就算成班球員縮晒喺禁區，但就冇好好分配點樣嘜人，呢樣嘢領隊文仙尼要好好檢討，如果文帥唔及時解決問題，曼城要衞冕唔容易。
攻強守弱直取「讓球和」

曼城今輪作客富咸，肯定惡踢。度士幾欣賞富咸領隊祖爾，今季放走丹普西、迪比利、梅菲等大將，補入洛達列加、貝碧托夫等實而不華球員，踢落完全唔失禮，其中作客曼聯僅輸一粒，要贏佢哋一定要出盡十成功力。富咸兩連勝狀態不俗，今仗必同曼城快打快，不過以波論波曼城始終高一籌，度士對佢哋一條強勁鋒線有信心，預料能以一球差距僅勝對手，嫌客W冇乜肉食，可直取「讓球和」。

（有線300及200台周六晚10時直播）