盤口硬淨史篤城開齋先兆

猪拉多纳

英超中游球隊史篤城名氣唔大，勝在實而不華，今季聯賽雖然未贏過，但有幾場波都打得好好，今次主場對史雲斯讓半球，盤口非常硬淨，啲飛絕對唔簡單，睇個款有機會喺今場開齋，呢隻上盤值得留意。

（有線303及203台周六晚10時直播）
返主場唔講得笑

單睇賽績，史篤城開季唔算特別好，但睇番表現又唔曳喎，對住阿仙奴同曼城都唔使輸，上次鬥車路士搏到尾段先失波，確係唔講得笑！史篤城今次返主場出戰，足足要讓史雲斯半球至半一，個盤非常硬淨，睇嚟有啲朋友認為佢哋係時候贏番場，不妨玩番多少上盤囉！

同日兩間倫敦大會阿仙奴硬撼車路士，「兵工廠」確係愈踢愈好，但「車仔」絕非善類，呢場點睇都係五五波，阿仙奴讓波實在唔多抵玩，要下盤啦！另外，曼聯向來恰死熱刺，主場出擊贏面好高，呢隻上盤亦可兼顧。
肥叔心水

車路士下盤

漢堡上盤

富咸下盤

史篤城上盤

華倫西亞上盤

曼聯上盤

西維爾下盤、大