撐聖日耳門「半場主勝」

猪拉多纳

今晚法甲頭場直播巴黎聖日耳門主場鬥索察，聖日耳門近期連贏四場着晒火，在主場迎戰周中盃賽踢足一百二十分鐘嘅索察可謂勝券在握，聖日耳門為留力下周作客鬥波圖嘅歐聯分組賽，相信主場出擊會抱住速戰速決心態，主W1.12倍冇肉食，建議捧1.52倍「半場主勝」。

（now 714周六晚11時30分直播）
求慳力速擒索察

聖日耳門頭三場聯賽全和，表現一度令球迷十分失望，不過佢哋一係唔贏、一贏就贏到唔識停，連歐聯在內已經累積四連勝，其中前鋒伊巴謙莫域個人攻入六球，狀態着晒火。

索察近期表現有起色，聯賽兩連勝之餘，周中法聯盃踢至加時亦成功淘汰伊維恩，不過比起周中冇比賽嘅聖日耳門，索察體力肯定較輸蝕。聖日耳門下周歐聯需要作客葡超勁旅波圖，今場自然唔想浪費太多氣力，睇番佢哋對上四場贏波都係上半場已取得領先優勢，不妨再追「半場主勝」。