町田主場惡遇神殺神

猪拉多纳

日乙今季更改升班制度，頭兩位直接升班，三至六位踢附加賽爭最後一席，呢四個位爭持空前激烈，大分三神位列第六，仲未穩坐釣魚船，不過佢哋近期客場演出好曳，今輪作客出戰，讓唔起町田澤維亞，要「讓球主勝」！（周日下午1時開賽）

依家日乙除一哥甲府風林甩開對手外，二至六位只有五分之差，四至九位差距只得兩分，大勢未定，仲有好多變數。大分三神踢到最後衝刺階段乏力，對上五場聯賽只贏一場，近三次作客都贏唔到，唔好睇得太高。
阿迪尼斯領軍漸有喜色

町田澤維亞由阿根廷名宿阿迪尼斯領軍，現時屬包尾大幡，隊內得個塞爾維亞中鋒謝根迪美治較具分量，實力唔算好強，但經過大半季適應期後，踢落續有進步，近五次主場出擊不敗，戰鬥力唔弱，千祈咪畀排名影響判斷，今仗受讓可秤先。

同日山形山神主場對東京綠茵，兩隊爭緊升班，屬正宗「六分波」，山神作客唔掂，疊埋心水喺主場搶分。綠茵近七次作客兩和五負，客場發揮極曳，平手盤要山神！