孫弘民弗漢堡夠贏史特加

猪拉多纳

嚟緊周中歐聯重開，一眾大牌球會尋晚已分途出擊，所以今晚焦點賽事就唔會太多，都係啲二三線球會嘅對碰。無得踢歐洲賽嘅漢堡樂得清閒，今晚主場出戰史特加，小妹有信心佢哋能夠小勝全取三分。

（有線61及64台周日晚11時30分直播）
南韓小將大放異彩

自雲達華治正式加盟後，漢堡嘅成績極速改善，尤其爆冷擊敗多蒙特後，球隊士氣有360度轉變，主要係多得近期踢得出色嘅前鋒孫弘民。呢位南韓球員近期大放異彩，佢能傳擅射，難怪更傳出英超利物浦都有興趣招攬佢加盟，但就算係真，漢堡都唔會咁輕易放人啦！漢堡陣前雖傳出主將雲達華治有輕傷在身，但仍有機會上陣，再加上有主場之利，要「KO」史特加並非難事。
客軍射手卡卡奧重創

史特加聯賽開季至今只曾贏過紐倫堡，始終球隊今季實力不算強橫，同時應付聯賽和歐洲戰線未免太過吃力！史特加賽前更傳來壞消息，射手卡卡奧操練時重創要休息三個月，惟有靠表現時好時壞的伊比斯域數胡。史特加今晚作客後，過幾日歐霸盃又要大戰丹麥球隊哥本哈根，若未能選好其中一條戰線搏命，相信史特加要繼續留在護級區域，戰績短期內都難以改變！
Kit 推介：漢堡主勝