真誠真意苗準復出W

猪拉多纳

苗禮德早兩個禮拜大病一場之後，早幾日又返左祖家南非揀蟀，認真多多事幹無時停。不過又真係唔到你唔服，老苗剛周五朝返港即刻拿拿臨入倉，原來今期谷戰真係有料到，成功部署隻久休七個月嘅「真誠真意」復出即勝，取得馬房今季第三W。練者賽後話隻馬上季贏完場谷草千二米之後，的確曾經有過少少問題，不過好快已經搞番掂，只不過季尾天氣太熱至唔跑，費事辛苦得滯，一傷再傷就無謂啦！
       
真誠真意久休復出大熱取勝。

老苗又話，「真誠真意」根本唔係四班材料，加上賽前準備工夫做得幾好，所以今次輕勝而回都唔意外，但係就強調部署上唔會刻意催迫，希望畀多少少時間隻馬慢慢進步。
       
真誠真意打氣團齊心一致。

路程方面，練者認為「真誠真意」肯定可以跑長啲，但係依家跑得好地地，又想集中谷中千二米先，遲下隻馬轉性能至再作打算。