諾域治復甦發維

猪拉多纳

阿士東維拉今季表現都幾差，八場聯賽只贏一次，成績令人極度失望，今晚在英超早場將主場對諾域治，度士對維拉真係唔多睇好。縱然對賽往績以維拉稍稍佔優，但球隊今時唔同往日，要贏有復甦迹像的諾域治有一定難度。今場維拉讓波唔抵，「讓球客勝」可取。

（有線200及300台周六晚7時45分直播）
維拉將帥不和

維拉近兩場分別對住熱刺及富咸，結果兩連敗兼冇入球，愈踢愈沉，球員鬥志難免會受到影響，其中一個就係前鋒戴倫賓特。最近有傳佢同球隊鬧不和，批評得最多就係領隊林拔引入輪換制度，搞到佢冇得場場打正選。基於球員與球隊關係變得惡劣，故此有英格蘭媒體透露利物浦會喺一月提出收購戴倫賓特。而無論消息係真係假，多少都會擾亂到球員心理，表現失準都唔出奇。現時維拉內部較為混亂，相信林拔都要花更多時間去處理，今場對諾域治欠十足取勝把握。

諾域治上場爆冷擊敗阿仙奴，取得今季聯賽首場勝仗，球員現時士氣大振，今晚對番前領隊林拔一定唔會手軟嘅！