名牌對碰 以客為先

猪拉多纳

今季車路士老闆阿布拉莫域一擲千金，銳意改造球隊大踢性感足球，中前場重用幾位「小精靈」夏薩特、奧斯卡杜斯山度士、桑馬達，呢種「技術流」進攻，組織流暢又悅目，令人拍爛手掌。不過，由於魯爾梅利斯同艾辛相繼離隊，令車仔只得約翰米基爾一個正宗防中，若果呢位尼日利亞球星受傷，都唔知搵邊個頂替佢個位之餘，防線隨時中門大開。而箭頭得番費蘭度托利斯較為可靠，雖有史杜列治於後備席上候命，但此子單蹄兼獨食信唔過，加埋隊長泰利要坐波監，主場對住攻力強勁嘅曼聯，仲要讓平半，實在過晒火位，一於揀作客嘅紅魔。
曼聯紅軍熱刺炒埋一碟

另一焦點場次係默西賽德郡打吡，愛華頓狀態雖勇，但利物浦自棄用轉身慢、冇速度嘅老將加歷查，改由丹尼爾艾格夥拍史卡迪爾扼守中路，令防線穩健咗好多，而且打吡戰一向戰意行先打甩髀，甚麼主場之利、近況統統可以擺埋一邊，紅軍作客唔使讓波兼高水，非常抵玩。至於修咸頓迎戰熱刺，後者於上周中歐霸明顯留晒力，而「聖人」後防曳失波多，蓄銳而臨嘅熱刺客W冇甩拖。作客要揀今晚夜，Peter睇好紅魔、紅軍、熱刺三支客軍，串埋都幾和味。
金句：作客要揀今晚夜