凱沙科特博升大晒冷

猪拉多纳

今晚德乙有場好戲碼，「三哥」凱沙羅頓主場對「老四」科特布斯，今場屬於爭升班前哨戰， 凱軍當然希望趁地利，剷除主要對手，應會採取主攻。科特布斯為求進佔前三，相信亦唔會退縮，建議要入球大。

（有線64及204台周六凌晨1時直播）

凱沙羅頓今季聯賽仍然不敗，有賴於強大攻力，入波數字冠絕同儕，因此即使13場聯賽僅1場不失，但中前場球員入波效率高，足以彌補防線損失。凱軍今仗遇上爭升班勁敵科特布斯，梗係要先下手為強，爭取贏波甩開對方。

德乙頭兩位可直接升班，第三位要踢升班附加賽，對於「梗頸四」科特布斯而言，位置好尷尬，如果可以贏到呢場「六分波」，對爭升班有極大幫助，幾大都要把握機會盡力一搏。睇埋對賽成績，凱沙羅頓近三次主場對科特布斯，獲得全勝，每場總入球都達4球或以上，主Ｗ1.54倍唔吸引，1.7倍入球大較抵玩。