|
|
英冠大開快車，拿仁(目及)中狼隊「第一隊入球」。狼隊坐鎮主場迎戰大勇米禾爾，呢班波喺自己地頭一向有頭威，本季九場主場聯賽，有八次先開紀錄！佢哋已成個月不勝，今輪再於主場出擊必有鬥心，好有機會再一次先入波。
（周三凌晨3時45分開賽）
計人腳狼隊唔曳，前線有奇雲杜里擔大旗，中後防大部分球員都有英超經驗，但本季落到英冠腳風卻唔順，同領隊蘇巴基未能好好激勵球員有關。呢位挪威籍教頭，上仗於主場反勝為敗後嬲到出煙，鬧班球員一領先就慌失失，成班波進退失據，睇嚟一時三刻難解決問題。計番球隊攤路、打法，今場一開波又會喪攻，狼隊本季近九成主場聯賽能先開紀錄，呢場可再追。
侯城頹爆撐水晶宮
另外水晶宮作客侯城，侯城上仗主場不敵般尼死氣沉沉，水晶宮個人質素勝過對手，新敗後更會打醒十二分精神，作客有力全身而退，受讓捧「讓球客勝」。另外班士利愈打愈衰，近七戰二和五負，期間每場最多入一球。今輪主場對般尼，於攻不銳守不穩下，冇資格讓波，捧般尼「+1」有計。
英冠推介
般尼 讓球客勝
水晶宮 讓球客勝
狼隊 第一隊入球 |
|
金睛卡
发表于 2012-11-27 06:27
变色卡
显身卡