曼市雙雄快車歎「細」界

猪拉多纳

紅魔輪換就住扑錘

英超榜首曼聯主場對韋斯咸，紅魔要擊敗「錘仔幫」難度唔大，但估計小勝居多。事關一周雙賽，領隊費格遜應會採取輪換，二來費Sir同客軍領隊「大Sam」艾拿戴斯私交甚篤，相信唔會盡數令老友難堪，主W冇肉食，入球大細中位數調升至3.5球，捧細盤。

（有線300及200台周四凌晨4時直播）
大Sam同費Sir老友「免炒」

曼聯過去五場比賽有四場作客，球員飽受舟車勞頓之苦，難免有疲態。費格遜透露今仗會改派路爾斯安達臣擔任正選、湯卡華利、尼克包維等新人亦有望披甲，目標只要三分，是否大勝並唔重要，尤其係佢同艾拿戴斯分屬老友，點都會留番幾分薄面畀對方。

韋斯咸近日捲入「反猶太歧視事件」，一名涉案球迷因而被捕，仲被罰終身禁止入場。「錘仔幫」失波數字仲少過曼聯，去到奧脫福更會死守，預料冇乜交收。