聖日耳門贏「波」擦鞋

猪拉多纳

老細足球乜都要第一

A組「暴發戶」巴黎聖日耳門主場與波圖上演榜首大戰，兩軍已篤定出線，睇吓邊隊做一哥。聖軍教頭安察洛堤係歐聯專家，必想搶首名冧老闆，讓平半博得過。

（有線62及202台周三凌晨3時45分直播）
安察洛堤歐聯醒神

意大利籍教頭安察洛堤執教AC米蘭期間曾三入歐聯決賽兩次捧盃，絕對係歐聯專家。當家球星伊巴謙莫域對歐聯錦標更加趨之若鶩，呢位專入金球的瑞典殺手正是希望一嘗歐聯滋味而不斷轉會，況且聖日耳門近五場聯賽僅一勝，必想贏波反彈。球隊上下都想在歐聯有一番作為，戰意十足。

波圖暫以1分領先聖日耳門，作客勢必踢得保守求和波，或影響其發揮，加上兩軍過往對碰較旺主隊，近四次交手主隊贏三次，聖日耳門讓平半兼低水，證明獲操盤手睇好。

同組另一場戴拿模之戰，薩格勒布戴拿模繼去屆後再顯魚腩本色，五場分組賽輸晒兼一球不入，主場都信唔過。對手基輔戴拿模已奪歐霸席位，未必有heart踢，或悶戰一場，細盤有1.87倍咪嫌少。