熱刺睇「高」一線

猪拉多纳

艾迪巴約唔踢非國盃 氹保亞斯開心搶正選

歐霸盃最後1輪分組賽今晚大晒冷，英超嘅熱刺喺J組主場對希臘球隊彭拿典奈高斯，和波已足夠壓倒對手出線，不過熱刺射手艾迪巴約賽前宣布，暫停國際賽生涯唔會代表多哥踢非國盃，擺明要氹領隊保亞斯開心搶正選，佢肯搏要捧1.85倍「讓球主勝」！

（有線61及201周五凌晨4:05直播）

雖然熱刺喺英超表現普通，但領隊保亞斯曾經反覆強調唔會Hea踢歐霸盃。睇番熱刺出場陣容，翼鋒丹普西、中場基菲爾施古臣同右閘基爾獲加都係歐霸盃正選熱門，最大變動只係用喺聯賽屈居後備嘅洛里斯把關，明顯有心重現執教波圖時期風光，奪取個人第2次歐霸盃冠軍！
彭拿典奈高斯作客曳

或者中場柏加、翼鋒加里夫巴利同左閘伊高圖養傷，的確會拖低熱刺戰鬥力，之不過今季長居後備嘅艾迪巴約，決定放棄為多哥出戰今屆非國盃，用意當然係專心為熱刺比賽啦！論實力，踢過阿仙奴同皇馬嘅艾迪巴約絕對唔會差過迪科爾，有心搏殺隨時大爆發！

彭拿典奈高斯落後熱刺2分，今場唔贏就玩完，弊在希臘球隊向來作客腳軟，佢哋近9場作客就得2勝2和5負，而且射手施巴斯坦列圖未好番，原本嘅隊長加拉高尼斯開季前被放棄後，頂上嘅加素蘭尼斯季中又因為侮辱球證被罰停賽6場被叮走，麻煩多又焗攻，大敗唔出奇。

歐霸盃J組
歐霸盃賽制

48支球隊分成12組，每組4隊進行主客雙循環分組賽，每組首2名出線。