史篤城正氣作客發維

猪拉多纳

細鬼好認同一句說話，就係「人貴自知」。每個人都有自己位置，亦都有專屬生存之道。大佬冠軍得一個，你估隊隊有資格爭標咩？細球會季季得保英超席位已經好叻仔，講緊嘅係史篤城。

07年史篤城升上英超，雖然人腳麻麻，但領隊佩尼斯「持家有道」，用硬淨、整體打法應付對手，成功殺出一條血路，上季更踢到歐霸盃添。因為能一直留喺英超，陣容亦愈執愈靚，高治、查理阿當、梳爾哥斯等都有戰鬥力，依家都冇任何英倫球會敢睇小佢哋。史篤城雖然冇錦標落袋，但財政好健康，喺呢個範疇中，一定算係成功。
對阿士東維拉兼顧細盤

呢班波本季只係輸過三場，其中兩個對手係曼聯同車路士，睇到史篤城有幾咁正氣。今輪作客阿士東維拉，主隊屬冇牙老虎，射手賓迪基雖弗，但整體攻力一般，今戰讓唔起對手，捧「讓球客勝」同細盤。

（有線302及202台周六晚11時直播）