巴塞訪乙組仔撐入球細

猪拉多纳

話說巴塞周日作客貝迪斯一役，由於得知美斯好大機會落場，筆者大膽推介韋拿先發項目，撐參考賠率有成8倍嘅「上述事件沒有發生」，博佢下半場末段出嚟打個白鴿轉，就算現實最終冇得落場，都有得回水，不過唔少人都誤會全場都冇得踢係相等於「上述事件沒有發生」，似乎足智彩有必要喺之前加上「落場後」，免得再有誤會發生。
留力對馬體會榜首大戰

今晚巴塞轉戰西班牙盃16強首回合，雖然美斯都有份隨隊，但預料上場坐冷板嘅韋拿，以及新秀基斯甸泰路都會擔正攻堅，作客乙組嘅科爾多瓦本來都綽綽有餘，不過佢哋過往對住低組別嘅西盃客場賽事，往往都係一球起兩球止，跟手聯賽又要同馬體會上演榜首大戰，點都有所顧忌，今仗都係要2.65倍入球細。

（now632台周四凌晨3:00直播）
足球重心：巴塞隆拿、馬德里體育會（入球細）

馬膽推介：5場(8)回鄉精神

上仗轉投伍碧權馬房初出，竟然用耳目一新嘅放頭跑法由頭帶到尾，仲拋離之後再贏嘅「太奇妙」兩個半馬位，相信仲有相當大幅度嘅反彈空間。
西盃賽制

採主客兩回合淘汰制，今輪為16強首回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。