大除夕澳職捧阿德萊德聯

猪拉多纳

大除夕有兩場澳職陪住大家，FC悉尼爆冷擊敗澳職「一哥」中岸水手後傳來壞消息，「過氣金童」迪比亞路因傷無緣出戰，今日作客矢志收復失地嘅勁旅阿德萊德聯都幾難打，主隊讓半一上盤信得過。

（有線64及204周一下午5:00直播）
悉尼王牌迪比亞路打柴

FC悉尼今季初表現欠佳，教練法蘭克法連拿毅然變陣，終於喺上場絕殺近況極佳嘅「一哥」中岸水手，不過今次作客「二哥」阿德萊德聯就未必有咁好彩喇。講真吖，小妹今季有留意呢隊波，唔多唔少都係為咗迪比亞路，不過呢位「前金童」今戰就因傷唔踢得，佢尋日仲發表聲明，話轉戰澳職後成日畀人踢，1場波起碼被侵犯8至10次，感到相當不滿。至於主帥法蘭克法連拿都承認上場贏波極有可能係曇花一現，實在唔值得再追寶尾。

雖然對家阿德萊德聯罕有地經歷兩連敗，但睇番佢哋今季頭兩次輸波，跟住落嚟嗰場都可以大捷，查實卡路斯卡、維度錫等主力攻擊手狀態並唔差，而且前鋒迪捷特大讚教練高斯米拿喺陷入困境時，仍然可以令球員保持鬥心，內部氣氛融洽，小妹都覺得佢哋喺2012年嘅最後一戰對住FC悉尼，可以贏番一場漂亮勝仗！