愛華頓拆「紐」話咁易

猪拉多纳

「爆炸頭」復出搏命搵好工

一月又係新一年嘅開始，又係轉會市場重開嘅大日子！英超快車嚟到尾聲，同樣係唔少想搵工跳槽球員Show off嘅好機會，愛華頓中場費蘭尼嘅去留被視為英超一月焦點，今晚「拖肥糖」聯賽作客紐卡素，呢位「爆炸頭」中場啱啱波監刑滿復出，肯定施展渾身解數博一眾豪門高層垂青，並作為送畀球隊嘅最後禮物，愛華頓讓平半，上盤值得捧場。

（有線204及304周四凌晨4:00直播）
聖誕新年快車紐記踢到殘

愛華頓實而不華球員唔少，但數到世界頂級只有比利時國腳費蘭尼，呢位攻守兼備嘅球星季初講明想去大球會踢波，盛傳曼聯、車路士、阿仙奴、曼城，甚至皇馬都想喺一月簽佢，早排佢以「施丹頭槌」頂梳爾哥斯停賽3場，今仗復出唔止要出氣，仲要踢好波畀豪門XX睇，佢嘅表現向來主宰愛華頓勝負，相信今場「爆炸頭」會起到決定性作用。

紐卡素今季大跌Watt，傷兵滿營係最大原因，而且佢哋以「地莊」人腳去捱呢段聖誕新年快車，嚟到呢個地步已經八勞七傷，對住硬淨嘅愛華頓，睇怕凶多吉少囉！
頂占筍盤：愛華頓（上盤）