|
|
護級水浸眼眉 拿拿聲搶分
新年快樂！唔知大家喺啱啱過去嘅聖誕節同大除夕玩得夠唔夠盡興呢？「張峰」喺呢兩個日子都同一班港隊隊友好好休息，準備應付省港盃賽事，雖然節日冇得出去感受歡樂氣氛，但能夠喺2013年第1日踢場好波，兼喺主場捧起省港盃，真係咩都抵番晒，超開心！
死火奧沙作客腳軟
講番休戰咗2星期嘅西甲先，西維爾今晚喺主場迎戰奧沙辛拿，查實佢哋離降班區只得4分，今場對手雖然只係尾二嘅奧沙辛拿，不過萬一落敗就隨時要以護級展開下半季，「張峰」相信有主場優勢嘅西維爾肯定搏甩髀袋走3分，主W熱捧啦！（now632台周日清晨5:00直播）
無疑西維爾今季表現係好飄忽，遇強愈強，遇弱愈弱正係佢哋戰績低迷嘅原因，查實佢哋陣容唔錯，好似尼格度、捷西斯拿華斯同杜查奧斯基都係有級數嘅球員，其中尼格度近日仲受到車路士青睞添！2013年第一擊，絕對係佢哋由谷底反彈嘅大好時機。
奧沙辛拿今季表現亦都走樣，雖然防守力仲算保持水準，但入球能力不濟先係球隊嘅致命傷，平均每場都入唔到1球。而且佢哋8場作客賽事只拎到5分，表現大打折扣，今晚面對主場威力頗強嘅西維爾真係凶多吉少。唔使諗咁多喇，1.46倍主勝熱都照捧啦！
張峰來料：西維爾（主勝） |
|
金睛卡
发表于 2013-1-5 10:37
变色卡
显身卡