悉尼掃凰瓣數多

猪拉多纳

歐洲天氣寒冷，唔多唔少會影響地場情況及球員發揮，阿King今次重點推介南半球澳職，ＦＣ悉尼主場對威靈頓鳳凰。ＦＣ悉尼近期踢出頑強拚勁，不時喺劣勢下搶到分，甚至反勝，士氣同信心處於高峰，面對「作客蟲」鳳凰，只係小讓平半，上盤可取。

（周六下午2時30分開賽）

ＦＣ悉尼近兩次主場踢出代表作，先係擊敗榜首中岸水手，上仗最後5分鐘連入兩球，反勝墨爾本雄心，表現出驚人鬥心，可以話係着晒火，勒都勒唔住。ＦＣ悉尼最大進步係唔需要靠晒迪比亞路入波，艾馬頓、賴恩格蘭、耶路尤頻頻有士哥，分擔迪比亞路工作，令球隊進攻更多元化。
水手主場可勝噴射機

鳳凰係新西蘭球隊，前往澳洲比賽，成績明顯較差，今季八場作客僅一勝二和五負，近三次作客都輸波。再睇埋佢哋近六次到訪ＦＣ悉尼，五次輸而回，受讓都冇着數。另一場中岸水手今季主場全勝，可望輕取紐卡素噴射機。

（有線64及204台周六下午4時45分直播）