|
|
羅馬王子托迪愈老愈可愛，雖然唔係場場正選，但佢一有機會落場定必交足貨，助羅馬開季至今全勝，締造球會意甲最佳開局，難怪早前獲得續約喇！9月27日係托迪37歲牛一，主帥魯迪加西亞趁機向「王子」大笠高帽，大讚托迪係偉大球員，仲祝佢笑口常開。魯帥深明托迪係更衣室大佬，眾將都好尊重佢，只要氹得呢位隊長開心，就唔使擔心班大帝作反，依家內部非常融洽，自然交出成績。
隊友識Do助攻王子
托迪生日冇耐，會方日前特登訂製咗個特大嘅生日蛋糕為佢慶生，其他做細嘅點都要有番啲表示嘛，今晚主場迎戰尚未開齋嘅博洛尼亞，密謀送份賀禮畀佢，就係策動如潮攻勢，希望造就托迪入波，加上主帥魯迪加西亞上仗領紅，最終只收到口頭警告，逃過停賽處分，真係喜上加喜，預計「紅狼」會高高興興大勝一場，等大佬威番鋪開心下。
（馬會網上文字直播，周一凌晨2時45分開賽） |
|
金睛卡
发表于 2013-9-29 06:50
变色卡
显身卡