車仔鋒力弱 咬唔入諾域治

猪拉多纳

3仗之中最早開波嘅諾域治主場鬥車路士，車路士雖於上周中歐聯大勝羅馬尼亞布加勒斯特星隊，可惜主力射手費蘭度托利斯勇戰受傷，預計要休養數周，現時球隊只餘伊度奧及丹巴巴亞兩名箭頭攻堅，但兩人腳風唔順，今季仲未「開齋」，要攻破諾域治主場大門未必係易事，加上車路士近兩次作客「金絲雀」只係入得1球，而且車仔今季3仗作客只憑隊長泰利入過1球，「藍軍」的入球能力實在令人擔心，今仗一於捧入球細。

（now 621周日晚8時30分直播）
曉頓落柯打死守

至於諾域治上仗作客擊敗史篤城終止3場不勝，自然希望球員乘勝再搶分。不過，「金絲雀」入球能力只屬平平，近6仗聯賽只攻入4球，幸好球隊防線表現不算太差，就算輸波都係一球起兩球止。而且諾域治主場對車路士一向特別有計，近兩次對賽只讓「藍軍」攻入1球，相信主帥曉頓深知雙方實力有距，今仗會落柯打踢守勢波，如此一來車路士未必咁易咬得佢哋入，細盤好路。