波斯尼亞客Ｗ信得過

猪拉多纳

贏立陶宛即出線決賽周

G組首名為波斯尼亞、希臘之爭，兩軍目前同得二十二分，波斯尼亞大幅領先十七個得失球差，今場作客只要擊敗出線無望嘅立陶宛幾可穩奪直接出線巴西決賽周席位。上屆世界盃及12年歐國盃外圍賽，波斯尼亞其實都取得附加賽資格，可惜兩次都遇上擁有C朗壓陣嘅葡萄牙，最終功敗垂成，如果唔想噩夢重演，最直接和簡單方法就係今場贏波。進攻鐵三角迪斯高、伊比斯域及米斯莫域今屆已經合共攻入二十二球，火力之強僅次荷蘭、德國等傳統勁旅，立陶宛已出線無望，波斯尼亞可望順利贏波。

（周三凌晨1時開賽）
希臘對魚腩又係小勝格

希臘同時間喺主場迎戰此組魚腩列支敦士登，希臘風格同波斯尼亞剛好相反，現時有機力爭首名全靠穩健防守，佢哋對上四場外圍賽都係小勝對手一比○，今次預計都係小勝機會高，可惜基於形勢太被動，預計希臘只能透過附加賽爭決賽周入場券。