聖卡斯稱再冇正選離皇馬

猪拉多纳

「聖卡斯」忍無可忍喇！由於門神迪亞高洛迪古斯持續大勇，令皇馬隊長卡斯拿斯續受冷落，日前佢接受《阿斯報》訪問嗰陣，向球隊發出最後通牒：「當球員長期冇得正選上陣，就會失去信心，上季出於對球隊嘅尊重，我選擇唔出聲，但我已經九個月冇正選踢，若果三個月後情況冇改變嘅話，我會考慮離隊。」
敲馬拉加讓球客勝

隊長發火非同小可，隨時影響皇馬今晚主場迎戰馬拉加嘅軍心，況且客軍主帥舒斯達教過「銀河艦隊」，對佢哋多靠反擊入波嘅戰術熟晒路，加上有歐聯後顧，皇馬頂盡小勝算數，「讓球主客和要讓到兩球離晒譜，不妨冷敲讓球客勝。