巴素利作客摘星

猪拉多纳

英超名牌球隊阿仙奴今期成為歐洲球壇風頭躉，班波近期進攻時直頭有巴塞同皇馬嘅影子，已經回復全盛期嘅霸氣。自從簽埋德國仔奧斯爾後，「兵工廠」家陣有氣有力有速度，真係瓣瓣有！呢個奧斯爾係世界級球員，傳波真係一流，呢隊波處於上升期，今次硬撼多蒙特仍然可以秤先。
客戰車仔照贏點會怕星隊

今日重心揀場歐聯E組賽事，巴素利作客對布拉勒斯特星隊，捧客隊！瑞士大軍巴素利以往只被視為歐霸盃級別球隊，但佢哋近年進步神速，依家已具備條件挑戰歐聯賽事，淨係睇佢哋之前作客砌低英超勁旅車路士，就知班波真係有料到。巴素利今輪作客羅馬尼亞傳統勁旅星隊，莊家都係做緊平手盤，客軍仲要較低水，反映操盤手都睇好佢哋，值得留意。

同日西甲班霸巴塞隆拿作客ＡＣ米蘭，論實力巴塞當然在ＡＣ之上，不過，ＡＣ始終都係歐洲賽常客，大戰經驗非常豐富，今場未必冇得打！巴塞初盤讓到一球、球半，但好多菠菜公司已慢慢作出調整，現時大部分莊家做返巴塞讓一球，個盤都係讓得較多，今場可試下盤。