PSG劏硬魚腩安德列治

猪拉多纳

射手卡雲尼 伊巴謙搶韁

今晚歐聯C組上演強弱懸殊戲碼，安德列治喺主場迎戰巴黎聖日耳門。嚟自比利時嘅安德列治經過兩輪分組賽後盡顯「冇骨魚腩」本色，今場縱有地利優勢，亦難擋巴黎聖日耳門三叉戟猛烈攻勢，吼實-1「讓客」啱數。

（有線63周四凌晨2:45直播）
安德歐聯兩連敗吞5蛋

安德列治踢完兩輪歐聯「露晒饀」，接連被賓菲加及奧林比亞高斯蹂躪，兩場夾埋淨吞5隻光蛋，箭頭米卓域克及馬迪亞斯蘇亞雷斯實力擺明係「有限公司」，縱使巴黎聖日耳門中堅堤亞高施華繼續養傷，今場防線並非最齊腳，但卡爾萬覺得安德列治有「叉燒」都未必識得食！

相反巴黎聖日耳門箭頭卡雲尼同伊巴謙莫域逐漸建立默契，輪流搶韁入波大有良性競爭嘅感覺，日前喺法甲鬥巴斯蒂亞，兩人各踢半場齊齊梅開二度就係最佳證明，連同喺呢場全程後備為今仗養精蓄銳嘅拿維斯，PSG憑住呢支三叉戟要戳破安德列治嘅紙紮防線，簡直易過借火。
歐聯C組