黑貓冇起色等畀鵲啄

猪拉多纳

今晚英超頭場上演東北部打吡，新特蘭主場迎戰紐卡素。上季尾「黑貓」新特蘭係迪肯尼奧帶領下，作客曾以3比0大勝宿敵攞晒彩，不過風水輪流轉，迪尼肯奧季初閃電炒魷，接替佢嘅普耶上周首次領軍即慘吞史雲斯四蛋，今次想喺主場球迷面前贏波作見面禮並唔容易，平手盤捧紐卡素。

（now 621周日晚9時30分直播）
普耶接手未見成效

迪肯尼奧上季尾臨危受命接掌「黑貓」打護級戰，當中作客大破紐卡素成為代表作，可惜今季無以為繼，經過頭五場聯賽不勝，迪帥已經落鑊，改由毫無英超領軍經驗嘅普耶接手。喺上仗作客慘敗史雲斯一役見到，佢哋仲有好多地方要改善，短期內不宜對有太大期望。

「喜鵲」紐卡素上周主場鬥利物浦喺十人應戰下逼和對手，信心返晒嚟。法國中場卡比耶獲解凍後愈戰愈勇，對上三場射入兩個靚波，同胞雷米亦重拾射門鞋，令「喜鵲」對上六仗平均每場都有兩球進帳，攻力有保證。紐卡素喺2010年打後英超作客光明球場都未輸過，今次有力保不敗，平手盤捧紐卡素。