馬體會「畢」勝無歸

猪拉多纳

迪亞高哥斯達着火

馬德里體育會今季雖然三線作戰，但表現愈戰愈勇，除咗喺歐聯取得3連勝，分組賽出線在望，聯賽更一直同皇馬、巴塞爭持不下，依家只落後打多場嘅榜首巴塞4分排第二。佢哋今晚主場出戰畢爾包，3分實食無黐牙，1.79倍「讓球主勝」點可以唔撐！

（now632台周一凌晨0:00直播）
畢爾包頭重腳輕鬥攻盞死

馬體會狀態一流，主要係因為佢哋鋒力強勁，11場西甲攻入28球，喺呢輪聯賽之前火力只僅次於巴塞。而且射手迪亞高哥斯達今季大熟大勇，入波停不了，至今喺西甲一共轟入12球。佢哋上場憑兩個極刑早早領先兩球，最後以2:1作客砌低CF格蘭納達，雖然後衞菲臘路爾斯領紅，今仗要停賽，不過馬體會前線火力咁猛，相信影響唔大。

唔多擅長作客嘅畢爾包，今季分別輸過畀皇馬、CF格蘭納達同愛斯賓奴，當中有強有弱，證明呢班波水準飄忽。雖然佢哋有迪馬高斯、蒙尼恩同馬高蘇沙亞達等攻擊好手，但後防唔算穩陣，擺明係頭重腳輕嘅球隊，今晚同馬體會鬥火力，啱晒主隊心水。