肯薩斯一味靠頂悶和格

猪拉多纳

踢波同賭波，唔同人有唔同諗法，有人話之你，總之有理無理死攻爛攻，最緊要過癮，但有時貪勝不知輸，贏埋唔夠輸，亦有好多人同球隊「驚輸」，但呢啲「度縮」隨時有好結果喎。
近10對侯斯頓9開細

嗱！你睇吓美職東岸球隊肯薩斯體育會咪知囉，驚輸驚到死，成日好似擺架巴士喺後防咁，最緊要唔畀你入到，常規賽失30球係全聯盟最少，但就係憑佢哋嘅防守力，攞東岸亞軍，兼且殺入季後賽東岸決賽添。

今日肯薩斯體育會主場對侯斯頓戴拿模踢東岸決賽次回合，首回合肯薩斯又係施展佢哋絕佳嘅「守」術，雙方互交白卷，嚟到次回合，相信佢哋即使主場，都只會繼續穩守突擊，侯斯頓戴拿模攻力亦唔勁，睇番雙方近十次對賽九次開細，仲有四次「0比0」添，今仗唔慌多波入啦，大注入球細，再補少少「0比0」波膽。
TVB 301直播