同級對碰富咸受讓抵玩

猪拉多纳

肥叔早排去完柬埔寨走咗轉，回想以前最初入行，操盤手都要考試，要過關先有機會負責搞重要賽事。依家世界唔同晒，操盤全面電腦化，做菠菜業就係要與時並進，不斷革新先可保持競爭力。

一間菠菜公司閒閒哋請幾百人，創造唔少就業機會。睇番柬埔寨呢邊啲公司，操盤手同後勤人員好多都係中國人，高級行政人員大部分喺外國浸完鹹水返嚟，唔只做足球，直頭要搞網上菠菜城，甚至有埋虛擬賭場。

講番今晚賽事，英超富咸主場對史雲斯，富咸開季成績麻麻，不過佢哋其實對親都係「硬嘢」，今次主場對番同級球隊史雲斯，主場有得受讓非常抵玩，下盤揸得過。

（now 622周六晚11時直播）另一場紐卡素主場鬥諾域治，紐卡素對上兩場聯賽連贏車路士、熱刺幫到唔少下盤客，不過呢班波主場讓波反而有暗湧。諾域治踢法夠硬淨，下盤受讓半一亦可一試。

（now 624周六晚11時直播）