拜仁出副選照炒奧格斯堡

猪拉多纳

今晚德國盃第3圈賽事有奧格斯堡主場鬥衞冕冠軍拜仁慕尼黑，雖然主隊近排喺自己地頭個勢唔錯，但係客軍實在超班得太緊要，就算出副選都足夠大勝，拜仁讓一球，一於捧1.68倍「讓客」啦！

（無綫翡翠台周四凌晨3:30直播）

拜仁慕尼黑家陣可以話係球壇上最令人聞風喪膽嘅球隊，皆因佢哋唔止正選11人全部屬於歐洲最頂級，就連後備都一樣咁掂！近況大勇嘅洛賓今場未必披甲，但係數胡重任完全可以放心交畀文迪蘇傑同馬里奧葛斯，中場亦有堤亞高艾簡達拿可以代替受傷嘅「小豬」o架。
文迪蘇傑肩負數胡責任

大家仲要留意一個人，就係備受哥迪奧拿寵愛、年僅18歲嘅中場賀爾貝治，呢位小將早排先獲丹麥電視台頒發「年度最有才華球員獎」，佢嗰位患上胃癌嘅爸爸已經時日無多，相信聽到呢個消息後一度落淚嘅哥帥會畀佢上陣，踢番場好波畀爸爸睇。

奧格斯堡家陣位列德甲中游，近6次喺主場出擊更只得1敗，不過佢哋上月初先至喺聯賽以0:3輸畀拜仁，加埋兩軍近4次碰頭，奧格斯堡都至少吞兩蛋，即使喺自己地頭對戰，近4場亦都輸晒，今次睇怕只係會落得同一下場喇。