|
|
是日菠菜市場最矚目大戰係英超賽事曼城主場鬥阿仙奴，曼城讓到半一，個盤好辣，不過，睇番佢哋上場反勝拜仁嘅姿態，真係好鬼犀利。曼城季初換帥後水準唔算好穩定，家陣摸索期已過，開始進入收成期，呢班波主場惡到暈，今場雖然讓得稍多，但贏面真係高，玩上盤穩執半個盤！
講番今次重心推介，升班球隊侯城主場對史篤城讓平半，要下盤！侯城季初主場踢落好對辦，早前仲砌低埋前列球隊利物浦，踢落好硬淨，今場讓得唔多，睇落個盤都抵玩。不過，史篤城打法硬橋硬馬，喺同級球隊對決受讓好着數，為免捲入護級戰，佢哋對住侯城呢類同級球隊必定會砌盡。侯城實力見底，今場贏面唔高，可博下盤！
（now 621周日凌晨1時30分直播）
慕遜加柏當頭起要捧
同日德甲賽事緬恩斯主場對慕遜加柏，平手盤要客隊！慕遜加柏睇落唔多起眼，但踢起個勢都幾犀利，近期連場贏波氣勢好勁，呢班波有條件爭取歐聯席位，絕對係一路奇兵，佢哋依家處於上升期，今場唔使讓波個盤都算抵玩，寧捧當頭起，平手盤撐慕遜加柏。
（周六晚10時30分開賽） |
|
金睛卡
发表于 2013-12-14 15:10
变色卡
显身卡
楼主