恒大扮巴塞益晒明尼路

猪拉多纳

世冠盃今晚煞科，打頭陣由廣州恒大（足智彩譯：FC廣州）同明尼路合演季軍戰。明尼路準決賽走樣輸畀拉查體育會，陣中球星朗拿甸奴想攞番個尾彩威畀巴西主帥史高拉利睇嘅話，今鋪不容再失，捧1.8倍客W。

（廣東體育周日凌晨0:30直播）
細哨要騷哥利踢世盃

「細哨」喪操回歸趕踢世冠盃，除咗話想幫明尼路稱霸世界，亦想證明自己寶刀未老，取悅「大菲」，博入巴西國家隊出戰世盃。盛傳明尼路想搵前聖保羅教頭奧圖利掌舵頂古卡個位，會長卡利仲計劃同朗拿甸奴續新約，為咗報答老細對自己嘅信任，「細哨」仲唔搵恒大祭旗「騷哥利」咩！

冇錯，今場係孔卡代表恒大第100戰兼告別賽，唔少球迷都想佢有個Happy Ending，但有睇佢哋上仗輸畀拜仁場波嘅朋友，都知恒大同世界豪強嘅實力真係爭太遠，後面仲有波唔清扮巴塞，再咁踢法，對住明尼路咪盞送死！況且倒戈嘅穆里奇自亞冠盃決賽後未入過波，佢同艾傑臣上仗鬥拜仁明顯怯場，孔卡踢到曉飛都冇用啦！