流浪者報仇「手」起刀落

猪拉多纳

今日澳職獨腳戲上演復仇大戰，西悉尼流浪者喺上屆季後賽不敵中岸水手，最終與總冠軍擦身而過，今輪喺主場再遇「仇人」，前線有猛將杜米祖歷傷愈候命外，中岸水手作客又例牌腳軟喪失波，一於捧1.68倍主勝，見證流浪者點樣復仇。

（有線64及203周一下午4:00直播）
水手作客腳軟

流浪者主場戰績硬淨到爆，計埋上季聯賽，最近9場6勝3和冇輸過，今季10場聯賽僅失7球，防守穩陣程度猶勝榜首獅吼。教頭普波域日前證實，箭頭杜米祖歷克服膝傷，進攻火力得以提升後，名副其實攻守兼備，唔捧等幾時！

中岸水手後衞賓特格菲斯、米高尼爾坐完波監，薩安達臣又話背傷好番，聽落防線好似勁堅挺，可惜佢哋作客例牌腳軟，連埋上季聯賽近9場作客8場有失波，當中6場至少失2球。何況佢哋今輪開快車，流浪者則抖足9日養精蓄銳，體力都輸蝕埋。