卡路爾復出 錘仔幫有救

猪拉多纳

韋斯咸雷霆救兵復出，英超主場鬥紐卡素可立不敗之地！「錘仔幫」貴價中鋒安祖卡路爾終於傷愈，今場可望正選倒戈對「喜鵲」，趁對手近況勁沉，主場受讓着數，要讓球主勝！
紐卡素四連敗洩氣

安祖卡路爾缺陣令韋斯咸上半季陷入困境，教頭艾拿戴斯嘅戰術勁需要呢個大舊佬喺前線爆破，呢位巴打終於好番，球隊唔使再用邁加或卡頓高爾呢類次級前鋒頂檔，今戰雖有中場路蘭及中堅湯堅斯坐波監，仍有本錢搶分。紐卡素上周惡戰曼城打得唔曳，中場迪奧迪仲有個士哥被判詐胡，咁輸法都幾洩氣。「喜鵲」唔覺唔覺連輸四場，主力射手雷米死晒火，今場仲學人作客讓波，梗係捧對家啦！

now 623直播