愛斯賓奴半場細頂住皇馬

猪拉多纳

西班牙盃8強首回合今晚深夜揭開戰幔，打頭陣係愛斯賓奴主場對皇家馬德里。兩軍於早前聯賽已曾交手，當時皇馬作客只能一球小勝對手，可見愛斯賓奴主場其實頂得兩嘴，加上皇馬於西班牙盃會派出部分副選球員上陣，阿謙認為今仗會好似早前聯賽般半場少交收，一於捧半場細。

（now 632周三凌晨4時直播）
皇馬盃賽入球率偏低

皇馬剛於上周聯賽作客5比0大勝貝迪斯，C朗、加里夫巴利、賓施馬及迪馬利亞等皆有波入，今仗西班牙盃作客愛斯賓奴相信不少球迷都認為會繼續出現大手交易。不過，皇馬今季於西班牙盃似乎持續少入球的趨勢，近四場賽事無論主場作客皆全開細盤，可見以部分副選上陣的皇馬於盃賽似乎有點漫不經心，但求贏波過關算數。

愛斯賓奴今季主場表現不錯，近五場主場賽事更錄得4勝1負，落敗一仗正正係早前聯賽對皇馬。不過，皇馬於該仗踢得非常辛苦，要到下半場中段才能靠比比攻破愛斯賓奴大門，最終只能小勝1比0，可見愛斯賓奴主場表現非常硬淨。此外，皇馬近年作客愛斯賓奴半場入球都係偏少，對上六次竟全部開出半場細，今仗有望延續這成績，阿謙決定捧半場細。