阿積士國家打吡嗒得諾

猪拉多纳

今日續有荷蘭盃8強上演，重頭戲係阿積士主場對飛燕諾嘅國家打吡。阿積士近年主場專剋住飛燕諾，而且前鋒主力史基賀臣強勢復出，1.7倍主W值得捧場。

（周四凌晨3時45分開賽）

阿積士、飛燕諾來自國內兩大主要城市阿姆斯特丹及鹿特丹，當地人叫呢場打吡做Klassieker（經典），分量等同西甲皇馬對巴塞，主場出擊更加唔衰得，阿積士過去六次於主場迎戰飛燕諾取得五勝一和佳績，包括今季首循環贏2比1，前鋒史基賀臣更於該仗梅開二度。呢名冰島國腳喺去年底受傷終於復出，上周末聯賽阿積士就憑佢一腳搞掂另一勁敵燕豪芬，今仗隨時再做飛燕諾剋星。
摩納哥大盤穩陣

另外法足盃亦會上演32強，富豪球會摩納哥作客非聯賽球隊MDA查斯利，摩納哥牌面雖然高幾班，但睇番上圈佢哋對住低組別球隊瓦納都係險勝3比2，捧大穩過客W。最後圖盧茲同樣作客非聯賽隊伍穆蘭，圖盧茲作客兩連勝，1.5倍客Ｗ賠率算有分頭。