巴塞啞火捱「細」界

猪拉多纳

今晚西班牙盃首回合有利雲特主場鬥巴塞隆拿，「地上最強」啱啱先喺聯賽對住利雲特失分，成場波見到佢哋冇晒隊形兼啞火，今場入球中位數開到3.5球，捧1.7倍入球細啦！

（now632台周四清晨5:00直播）
美斯巴塞400戰

巴塞近期個勢的確唔掂，連續兩場聯賽和波，近3戰夾埋入得嗰3粒，美斯一傷好就喺不足兩星期內踢足4場波，唔跌watt就奇啦！唔講唔知，原來今晚係「球王」由04/05球季升上巴塞一隊之後嘅第400場波，雖然佢可以喺399仗入面勁入331球，但可惜佢個拍檔尼馬要抖3星期，教頭馬天奴又玩嘢，調美斯去中場造波，根本發揮唔到佢「門前殺手」嘅本色！

利雲特上仗雖然賽和巴塞，但佢哋近5場夾埋就只係入過3粒，每場最多只得1球進帳，根本冇可能同巴塞鬥攻。小妹相信佢哋今仗會繼續靠近4場只失1球嘅穩陣防線搵食，大踢穩守突擊，睇怕巴塞又冇啖好食。