AC腦殘復出同拿玻里駁火

猪拉多纳

好記得巴洛迪利當年離開曼城時，有個專門採訪英超嘅記者話傳媒都好唔開心，因為「腦殘」走咗，搞鬼新聞少好多。不得不承認，巴洛迪利確係令人又愛又恨，呢個天才球員今仗停賽後復出，AC米蘭鋒力有所提升，作客拿玻里唔會縮，拿玻里亦有多個炮台，今場揀大最啱數。

巴神之所以停賽，係佢對卡利亞里入波後造出不雅手勢領黃，累積夠黃牌數導致。嗰場波渡邊年都有睇直播，雖然巴神全場表現唔好突出，但就係佢喺比賽末段射入靚罰球追和，助AC米蘭反勝，始終有佢喺度，AC前線卡士同把握能力真係會提升好多。

拿玻里雖然近兩仗輸波好似跌watt，但球隊主場有相當威力，球員踢得特別醒神，可以重拾射門鞋，估計今仗係一場入球騷。