山東登亞洲舞台耀武揚威

猪拉多纳

周中除歐聯外仲有亞冠盃，玩亞冠盃傾向揀番東亞球隊嘅場次，始終地理位置接近、時差少有利收集資訊。國內球壇經過一輪大清洗後，有番紀律，尤其係出戰亞冠盃都屬具規模球隊，比較正氣。E組FC山東主場對武里南聯，FC山東屬財雄勢大嘅豪門，擁有多位高質素南美兵助陣，加上當地天氣寒冷，嚟自泰國嘅武里南聯球員，必然難以適應，FC山東讓一球直取上盤。

（now 671周二下午3時30分直播）
為名為利必打真軍

FC山東嘅大股東魯能集團係內地大型國企，主要從事煤電、房地產、鋁業，球隊有呢條大水喉支持，得以引入優秀外援，包括曾効力莫斯科中央陸軍嘅巴西射手路夫，無非都係想捧盃揚威，亞冠盃更加係表演嘅大舞台，為名為利，都不容有失，首輪分組賽肯定打真軍。

武里南聯雖然上屆打入8強，但泰國聯賽水準，始終有中超有距離，好似另一支泰國球隊春武里早前外圍賽就慘吞FC北京4蛋。加上兩地氣溫有好大差距，亦會阻礙武里南聯球員發揮，情況比較悲觀。