紅牛英超四王反轉溫哥華

猪拉多纳

美職聽朝開咧！今季美職再有猛將參戰，包括英格蘭射手迪科爾、巴西門將施薩索拉斯等，星味十足！當中上季聯賽盟主紐約紅牛會造訪溫哥華白帽，一於撐紅牛響頭炮，捧2.65倍客勝。

（TVB302周日早上8:30直播）

提起白帽，最多人知嘅係佢哋有位猛人老闆：NBA巨星拿殊！但講到球員，相信冇乜幾多人識喇，雖然前鋒堅尼米拿留效，弊在上季喺聯賽攻入22球嘅王牌射手卡美路達施華就跳咗船，鋒力肯定大受打擊！偏偏白帽補充嘅鋒將莫利斯奧費南迪斯名不經傳，點信得過？

貴為上季聯賽火力最猛嘅紅牛，球會主力班底得以保持，默契好自然有利喺季初搶分啦！呢班波坐擁射手亨利、翼鋒胡禮菲臘斯、中場卡希爾，新加盟嘅中場干維助攻力強，又同樣具備英超經驗，有「英超四天王」助陣，紅牛響勝鼓唔難吖！