祖記摧殘紫合百

猪拉多纳

無敵主場有仇報仇

今晚意甲早場戲碼，祖雲達斯主場硬撼費倫天拿，「斑馬軍團」既要報回首循環落敗之仇，亦要為歐霸盃再遇「紫百合」攞定頭彩，今輪坐鎮「無敵主場」出戰，辣手摧「花」話都冇咁易，1.94倍-1「讓主」咪錯過。

（TVB301周日晚7:30直播）

喺聯賽帶開幾條街嘅祖雲達斯，主場13戰全勝堪稱無敵，傳球大師派路雖則今場停賽，但維達爾坐完波監復出，加埋保羅普巴同馬治斯奧孭飛，中場仍然夠照。再者箭頭洛蘭迪為搭上世盃列車，日前講明會以無數入波向西班牙教頭迪保斯基證明自己，今場繼續夥拍「野獸」泰維斯數胡，唔使怕冇波入。
費倫羅斯仔膝傷纏身

費倫天拿首循環主場擊敗祖雲達斯，成為今季唯一贏過呢支衞冕冠軍嘅隊伍，確實幾威水嘅，弊在喺呢場大演帽子戲法嘅基奧斯比羅斯，家陣膝傷纏身之外，保查華利路同托莫域兩名中後場主將亦齊齊停賽，莫講話今場難阻祖雲達斯報仇，嚟緊歐霸盃16強再鬥「斑馬軍團」，亦都難以睇好。