緬恩斯Fit爆硬哈化

猪拉多纳

踩油追逐歐霸盃資格

現時喺德甲排第6嘅緬恩斯近況十分唔錯，歇冬後踢咗6場波只係輸過一場，喀麥隆射手祖普莫亭都話如果球隊繼續好表現，來季絕對有機會升呢踢歐洲賽。今輪佢哋主場對哈化柏林，緬恩斯讓平半，一於捧1.86倍嘅上盤！

（有線61及201周一凌晨0:30直播）

緬恩斯近況可謂Fit到震，自從喺2月初畀禾夫斯堡炒完3蛋之後就痛定思痛，過去三輪德甲取得兩勝一和之餘仲要可以力保清白之身，上場佢哋作客憑祖普莫亭喺上半場嘅後踭入波，1:0爆冷擊敗前列分子嘅利華古遜，升上第6位，有力挑戰下季參加歐霸盃嘅資格。
哈化柏林歇冬後勁頹

今季為緬恩斯入咗7球嘅祖普莫亭，早前謙稱球隊目標只係喺聯賽榜排前10，歐洲賽只係Bonus。睇佢個款都係口是心非居多，有得踢歐洲賽唔通仲唔博到盡咩？

至於對手哈化柏林歇冬後表現認真麻麻，雖然作客曾經連贏史特加同漢堡兩支護級球隊，但係今場作客對住士氣如虹嘅緬恩斯，睇嚟真係凍過水啦！