費倫祖記射手復出大廝殺

猪拉多纳

結怨多時 唔會心軟

歐霸盃16強次回合重頭戲上演意甲打吡，費倫天拿主場迎戰祖雲達斯，意甲球會向來唔重視歐霸盃，不過今仗兩隊都有搏命嘅理由，而且雙方鋒線人腳都回復完整，今場會係大廝殺格局，Alwin推介1.92倍大盤。

（有線64台周五凌晨2時直播）

意大利球會經已緣盡歐聯，作為班霸嘅祖雲達斯更加喺分組賽出局，實在相當醜怪，目前祖記喺意甲已經拋離次席嘅羅馬14分，加上兵源充裕，有足夠條件更重視歐霸盃，事實上今屆歐霸盃決賽正正喺都靈市嘅祖雲達斯球場上演，教練干地亦聲言會盡力爭取喺主場捧走呢個獎盃，何況佢哋首回合主場只能踢成1比1，想晉級今仗就一定要入波，好消息係有首回合缺陣嘅射手泰維斯傷愈復出，今晚爭勝決心不必懷疑。
「巴治奧12碼事件」傳頌佳話

不過，費倫天拿亦有決心做攔路虎，事實上佢哋同祖記結怨多時，早於1982年，當時兩軍爭意甲冠軍鬥到最後一輪之前都係同分，最後一輪費倫因為球證多番誤判由贏變和，相反祖記得球證偏幫由和變贏，費倫失去該屆冠軍，對祖記恨之入骨。去到90世盃後，費倫班主邦迪路為錢將忠心耿耿嘅球會英雄巴治奧賣咗畀祖記，令巴治奧同費倫球迷都傷心不已，該季巴治奧代表祖記倒戈面對舊主費倫，喺球隊博得12碼後拒絕主射，最終由迪亞高斯天奴射失，成為費倫球迷傳頌佳話。

費倫首回合作客攞到1比1理想賽果，首循環聯賽主場亦曾炒過祖記4比2，加上德國射手馬里奧高美斯傷愈後連續兩仗取得入球，今晚有決心同祖記駁火。
Alwin 推介

費倫天拿大

3★

拿玻里大

3★

薩爾斯堡讓球勝

3★
首回合戰果：祖雲達斯1:1費倫天拿