修咸頓大盤嗒糖

猪拉多纳

近日球壇最大新聞一定係曼聯辭退莫耶斯，呢位教頭當年能夠帶領愛華頓取得理想成績，證明係有料之人。不過，教中型班始終唔同教大會，壓力差好遠。莫帥雖然失意離場，但佢唔愁冇班落，只要揀番一隊適合佢嘅球會，唔難重拾信心。

講番今次重心推介，修咸頓主場對愛華頓，捧大盤！「拖肥糖」愛華頓季初失去莫耶斯後，唔少球評家同菠菜業界人士憂慮佢哋會一沉不起，點知班波打落仲好過曼聯，全因主帥馬天尼斯有料到，呢個教頭名氣唔大，但真係好有辦法，家陣佢哋仲有機會爭歐聯席位，一定會全力爭勝。而修咸頓季尾踢緊風流波，放鬆心情同「拖肥糖」鬥攻，玩大盤最好！

（now 621周六晚7時45分直播）
拜仁有後顧 讓得辣要反

同日德甲班霸拜仁慕尼黑主場對雲達不來梅，拜仁自從奪冠後成日留力，點知留出禍，班波近況唔好，上場歐聯輸波並唔令人意外，佢哋嚟緊仲要應付次回合賽事，肯定會繼續收起主力，今場讓到兩球有多，個盤真係有啲離譜，呢場可博下盤！

（有線61及201台周六晚9時30分直播）