最強對最強 一於玩大佢

猪拉多纳

歐聯4強戰次回合開打，地上最強進攻拜仁慕尼黑鬥地上最強反擊皇家馬德里，呢個戲碼真係好睇到不得了，呢場大戰多人講多人睇多人賭，兩班波都係歐洲頂級惡爺，場波直頭係冠軍前哨戰，邊隊贏就有機會捧盃，肥叔都會瞓定先養足精神睇呢場好波！

呢場波最正嘅地方係形勢微妙，牌面睇拜仁仍然係高啲，但若然畀皇馬入一粒先，咁就會有更多變數。皇馬巨星C朗本來已經好犀利，仲要有埋「大聖爺」加里夫巴利，星味滿瀉好吸引。拜仁就有名帥哥迪奧拿領軍，加埋成班當打球星，同樣係叫座力十足。

今場初盤拜仁讓半球到半一，佢哋上次作客都可以控制大局，難怪會扯飛，以波論波，肥叔都係秤先拜仁多少。不過，拜仁個別球員嘅狀態稍有回落，皇馬就升勢凌厲，呢場真係「最強對最強」，拜仁攻得，皇馬反擊掂，投X重心都係揀番大盤，兼顧埋上盤，隨時可以雙殺添！